Azərbaycanın haqq səsinin, ölkəmizin öz tarixi torpaqlarını bərpa etmək üçün başladığı əməliyyatların diplomatik istiqamətini tanıtmaq, eyni zamanda Ermənistanın işğalçılıq siyasətini ifşa etmək üçün arxa cəbhədə də geniş təbliğat işləri aparılıb. Çox qürurluyuq ki, bu müharibədə hərbi müstəvidə böyük qələbə qazanmaqla yanaşı, həm də informasiya savaşında erməniləri diz çökdürə bildik.
Prezident İlham Əliyevin çağırışına qoşularaq informasiya müharibəsinin əsgərinə çevrilən bir qrup fəal şəxslərin 44 günlük savaş zamanı fəaliyyəti danılmazdır. Bu baxımdan “Azərbaycan-Ukrayna” Beynəlxalq Alyansının təşəbbüsü təqdirəlayiqdir.
İnterpress.az xəbər verir ki, “Azərbaycan-Ukrayna” Beynəlxalq Alyansının İdarə Heyətinin qərarı ilə Vətən müharibəsi dövründə Azərbaycan həqiqətlərinin ölkəmizdən kənarda təbliği, o cümlədən xarici media ilə sıx əlaqələrin qurulmasında əməyi olan, habelə arxa cəbhədə xidmət etmiş bir qrup media və vətəndaş cəmiyyəti nümayəndələri “Azərbaycan-Ukrayna” Beynəlxalq Alyansının qızıl ordeni ilə təltif olunublar.
Bu barədə “Azərbaycan-Ukrayna” Beynəlxalq Alyansının sədri Elmar Məmmədov məlumat verib. Onun sözlərinə görə, informasiya savaşındakı xidmətlərinə görə aşağıdakı şəxslər alyansın qızıl medalı ilə təltif olunur:
Mirşahin Ağayev – Real Təhlil İnformasiya Mərkəzinin (REAL TV) direktoru
Rəhman Hacıyev – 1news.az-ın baş redaktoru
Agil Ələsgər – “Yeni Çağ” Media Qrupunun baş direktoru
Toğrul Allahverdili – Diaspor İnformasiya Mərkəzinin sədri
Əhməd Şahidov – Azərbaycan Demokratiya və İnsan Haqları İnstitutunun rəhbəri, hüquq müdafiəçisi
Elnur Eltürk – diaspor üzrə araşdırmaçı ekspert
Fərid Şahbazlı – İslahatçı Gənclər İctimai Birliyinin rəhbəri, Editor.az saytının baş redaktoru
Əli Hacızadə – politoloq, “The Greater Middle East” layihəsinin yaradıcısı və rəhbəri
Hacıbəy Heydərli – Azxeber.com informasiya portalının baş redaktoru
Elməddin Behbud – Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının ictimaiyyətlə əlaqələr bölməsinin rəhbəri
Bu yüksək mükafata layiq görülən bütün şəxsləri ürəkdən təbrik edir və Azərbaycan naminə gələcək fəaliyyətlərində uğurlar arzu edirik.
İnterpress.az
