Avropa İttifaqı (Aİ) Rusiya ilə müharibə vəziyyətində olan Ukraynaya hərbi yardım üçün istifadə olunan fondun 3,5 milyard avro artırılaraq 12 milyard avroya çatdırılması barədə qərar qəbul edib.
Bu barədə İnterpress.az xarici mediaya istinadən xəbər verir.
Avropa Sülh Fondu adlanan maliyyə fondunun artırılması qərarı verilib. Aİ Xarici İşlər Nazirləri Toplantısı zamanı qəbul edilib.
Avropa Şurası tərəfindən verilən açıqlamada bildirilib ki, bu yaxınlarda martın 20-də artırılan fondun artırılması Aİ-nin Ukraynaya hərbi dəstək öhdəliyinə işarədir.
Fond 2021-ci ilin martında Aİ-nin hərbi və müdafiə məsələləri üzrə ümumi xarici və təhlükəsizlik siyasətini maliyyələşdirmək, Aİ üzvü olmayan ölkələri və ya beynəlxalq təşkilatları dəstəkləmək üçün yaradılıb.
Büdcədənkənar fond olan mexanizm ilk dəfə qurulanda 2021-2027-ci illər üçün yuxarı xərc limiti 5,5 milyard avro idi. Fondun limiti 2023-cü ilin martında 8 milyard avrodan çox artırılıb. Üzv ölkələrin Fonda töhfəsi onların ümumi milli məhsulu əsasında müəyyən edilir.
Aİ Ukraynadan başqa, bu fonddan Mozambik, Gürcüstan, Moldova, Bosniya və Herseqovina, Somali, Niger, Mavritaniya, Livan və İordaniyaya da yardım edib.
