Bakıda qandonduran cinayətin təfərrüatı: Ata qızına narkotik vuraraq öldürüb – YENİLƏNİBbackend

Bakıda qandonduran cinayətin təfərrüatı: Ata qızına narkotik vuraraq öldürüb – YENİLƏNİB

  • whatsapp
  • messenger
  • telegram
  • vkontakte
  • odnoklassniki

 

Xəzər rayon prokurorluğu atanın qızına zəhərli iynə vurub öldürməsi ilə əlaqədar məlumat yayıb.

Prokurorluqdan bildirilib ki, martın 22-də saat 23.00 radələrində Xəzər rayonu, Buzovna qəsəbəsi ərazisində 1985-ci il təvəllüdlü Salamova Gülər Hacı Ağa qızına məxsus meyitinin yaşadığı evdə aşkar edilməsi barədə rayon prokurorluğuna məlumat daxil olub.

Cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış ilkin araşdırmalarla zərərçəkmiş şəxsin atası 1960-cı il təvəllüdlü Salamov Hacı Ağa Əziz Ağa oğlunun qısqanclıq zəminində Gülər Salamovanın əzələsinə qanunla müəyyən edilmiş miqdardan artıq narkotik vasitə – heroin vuraraq zəhərləyib qəsdən öldürməsinə əsaslı şübhələr müəyyən edilmişdir.

Faktla bağlı Xəzər rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilmişdir.

Hacı Ağa Salamov şübhəli şəxs qismində tutularaq istintaqa cəlb edilmişdir.

Hazırda cinayət işi üzrə istintaq hərəkətləri davam etdirilir.

11.42

Bakıda ata qızını öldürüb.

Oxu.Az-ın məlumatına görə, hadisə paytaxtın Xəzər rayonun baş verib.

Belə ki, ilkin məlumata görə, ata 35 yaşlı qızına zəhərli iynə vuraraq öldürüb.

Daxili İşlər Nazirliyinin (DİN) mətbuat xidmətinin rəisi, polis polkovniki Ehsan Zahidov Oxu.Az-a faktı təsdiq edib:

“Paytaxtın Xəzər rayonunda qız atası tərəfindən öldürülüb. Şəxs dərhal Xəzər Rayon Polis İdarəsi əməkdaşları tərəfindən saxlanılaraq istintaqa cəlb olunub. Faktla bağlı Xəzər Rayon Prokurorluğunda cinayət işi başlanılıb, əməliyyat-istintaq tədbirləri davam etdirilir”.

 

 

 

İnterpress.az