“Olimpiada mərkəzinin yaradılması ilə təhsilalanların RFO-ya hazırlaşdırılması” layihəsinin növbəti mərhələsi icra edilib
İnterpress.az xəbər verir ki, Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VII qrant müsabiqəsinin qalib layihələrindən olan “Olimpiada mərkəzinin yaradılması ilə təhsilalanların RFO-ya hazırlaşdırılması” layihəsinin növbəti mərhələsi icra edilib.
İcra planına uyğun olaraq plimpiada dərslərinin təşkili üçün diaqnostik (seçim) imtahan təşkil olunub. İmtahanlar aşağı və yuxarı yaş qrupları üzrə keçirilib.
Növbəti mərhələdə təhsilalanlarla intensiv olimpiada hazırlıqları təşkil olunacaq.
Qeyd edək ki, layihənin həyata keçirilməsində məqsəd Şəki şəhəri üzrə olimpiada mərkəzinin yaradılması ilə sistemli və davamlı şəkildə təhsilalanların fənn olimpiadalarına hazırlaşdırılması üçün hazırlıq qruplarının təşkilindən ibarətdir.
