“Exit poll”: Vahid Rusiya Partiyası parlament seçkilərində qalib gəlib – YENİLƏNİBbackend

“Exit poll”: Vahid Rusiya Partiyası parlament seçkilərində qalib gəlib – YENİLƏNİB

  • whatsapp
  • messenger
  • telegram
  • vkontakte
  • odnoklassniki

Vahid Rusiya Partiyası Dövlət Dumasına bu gün keçirilən seçkilərdə partiya siyahısı üzrə seçicilərin 45,2 % səsini yığıb, həmçinin zəruri olan 5 %-lik keçid baryerini aşaraq, parlamentdə təmsil olunan digər siyasi təşkilatları – Rusiya Federasiyası Kommunist Partiyası, Rusiya Liberal Demokrat Partiyası və “Ədalətli Rusiya”nı üstələyib.

Bu göstəricilər İNSOMAR şirkəti tərəfindən seçicilər arasında keçirilmiş sorğunun – “exit poll”un nəticələrində yer alıb.

Məlumata görə, “Vahid Rusiya” 45,2 %, Rusiya Federasiyası Kommunist Partiyası – 21 %, Rusiya Liberal Demokrat Partiyası – 8,7 %, “Ədalətli Rusiya” – 7,9 % səs toplayıb. Qeyri-parlament partiyalarından ən yaxşı nəticəni 4,7 % səslə “Yeni insanlar” Partiyası göstərib.

Qeyd edək ki, VIII çağırış Dövlət Dumasına üçgünlük seçkilər yerli vaxtla saat 20:00-da (Bakı vaxtı ilə saat 21:00-da-red) başa çatıb. İlkin rəsmi nəticələrə əsasən, səsvermələrdə Vahid Rusiya Partiyası lider olub.

Mərkəzi Seçki Komissiyasının məlumatına görə, seçici fəallığı 45 %-i ötüb.

VIII çağırış Rusiya Dövlət Dumasına seçkilərdə səsvermə başa çatıb.

Paytaxtda və ölkənin Mərkəzi regionlarında seçki məntəqələri bağlanıb.

Üçüncü günün nəticələrinə görə, səsvermələrdə Vahid Rusiya Partiyası liderdir. Ölkə üzrə seçici aktivliyi 50 faizdən çox olub.

Parlamentin aşağı palatası ilə paralel olaraq Rusiya subyektlərinin regional və yerli hakimiyyət orqanlarına, o cümlədən yerli qanunverici orqanlara seçkilər keçirilib.

Rusiya parlamentinin aşağı palatasına seçilmək üçün partiyalar tərəfindən namizədliyi irəli sürülmüş 3812 nəfər mübarizə aparıb. Təkmandatlı dairələrdən isə parlamentdə üzv seçilmək üçün namizədlərin sayı 2020 nəfər olub.

09:29

Sentyabrın 17-dən 19-dək Rusiyada müxtəlif səviyyəli seçkilər keçirilir.

Ölkə vətəndaşları VIII çağırış Dövlət Dumasının deputatlarını, doqquz subyektin rəhbərini (digər üç bölgədə ən yüksək inzibati şəxsləri qanunverici məclislərin deputatları seçəcək) və 39 regional parlamenti seçməli olacaqlar.

Bu günlərdə bələdiyyə seçkiləri də keçirilir.

Seçki məntəqələri yerli vaxtla 8:00-dan 20:00-dək işləyəcək.

Əsas səsvermə günü sentyabrın 19-na təyin edilib.