Dneprdə yerli məmura məxsus avtomobil partlayıb, məmur ölüb, arvadı xəsarət alıb.
İnterpress.az xəbər verir ki, bu barədə Ukrayna mediası məlumat yayıb. Bildirilir ki, aprelin 4-də səhər saatlarında avtomobilin partlaması nəticəsində xəsarət alan Dnepr Şəhər Şurasının Sol Sahil Administrasiyasının rəhbəri Yuri Fedko tibbi yardım alarkən dünyasını dəyişib.
Onun ölümünü Yuri Fedkonun üzvü olduğu “Təklif” partiyası bildirib.
Avtomobilin ön hissəsi zədələnib. Hadisə yerində polis, UTX və prokurorluq əməkdaşları işləyir.
Partiya bildirib ki, hüquq-mühafizə orqanları baş verənlərlə bağlı üç versiyanı nəzərdən keçirir:
Rusiya xüsusi xidmət orqanlarının sifarişi ilə törədilən cinayət, mərhumla ehtimal olunan cinayətkar arasında düşmənçilik münasibətləri və deputatın peşəkar fəaliyyəti.
Xuraman Etibarlı
İnterpress.az
