Moldovanın “Energocom” dövlət müəssisəsi Rumıniyanın “Nuclearelectrica” dövlət şirkəti ilə 2023-cü ilin yanvarından gecə 10 MVt/saat, gündüz 30 MVt/saat elektrik enerjisinin alınması üçün müqavilə imzalayıb.
“Report” “İnterfaks”a istinadən xəbər verir ki, bu barədə “Energocom”un mətbuat xidməti məlumat yayıb.
Elektrik enerjisinin qiyməti 1 MVt/saat üçün təxminən 91 avro təşkil edəcək.
Şirkət izah edib ki, gecə 10 MVt, gündüz isə 30 MVt saatlıq tədarük həcmidir.
“Energocom”un məlumatına görə, alınan elektrik enerjisi Moldovanın tələbatının 4 %-ni ödəyəcək.
Moldova elektrik enerjisinin bir hissəsini yerli istilik elektrik stansiyaları və bərpa olunan enerji mənbələri – külək və günəş elektrik stansiyaları hesabına istehsal edəcək, həmçinin Rumıniya birjasında satın alacaq.
