Serbiya və Rumıniyada fəaliyyət göstərən Azərbaycan diaspor təşkilatlarının təşəbbüsü ilə dahi siyasətçi və görkəmli dövlət xadimi Heydər Əliyevin Belqrad və Buxarest şəhərindəki abidələri ziyarət edilib.
Bu barədə Diasporla İş üzrə Dövlət Komitəsindən məlumat verilib.
Ümummillli liderin anadan olmasının 98-ci ildönümünə həsr olunan tədbirlərdə Belqrad və Buxarest şəhərlərində fəaliyyət göstərən Azərbaycan Mədəniyyət Mərkəzinin və Rumıniya Azərbaycanlıları Birliyinin üzvləri, Azərbaycanın bu ölkələrdəki səfirliklərinin, “Azvirt” şirkətinin Serbiyadakı və SOCAR-ın Rumıniyadakı nümayəndəliklərinin əməkdaşları iştirak ediblər.
Ziyarət zamanı ümummilli liderin əziz xatirəsi bir dəqiqəlik sükutla yad edilib və abidənin önünə əklil qoyulub.
İnterpress.az
