Yunanıstan Türkiyəyə qarşı təxribatlarına hər gün bir yenisini əlavə edir. Afina administrasiyası Yunan komando birliklərini Qərbi Trakyadakı Türk kəndlərinə göndərməyə davam edir. Yunan tərəfi daha əvvəl Türkiyənin Çirmen və Sofulu kəndlərində komando birlikləri qurmuş, Gökçepınar kəndinin ortasında ağır silahlarla təlimlər keçirmişdi.
Ege və Aralıq dənizində gərginliyi artıran Yunanıstan Qərbi Trakyadakı Türk kəndlərinə əsgər yığmağa davam edir. Yunanıstanın Baş Qərargahı Sofulu bölgəsindəki türk kəndlərindən biri olan Böyük Dərbənddə xüsusi təyinatlı komandolar yerləşdirəcək.
4 HƏRBİ vertolyot göndərilib
Türküstan.az xəbər verir ki,Yeni Şafakda yer alan xəbərə görə; Yunanıstanın Baş Qərargah rəisi Konstantinos Florosun əmri ilə komandoların kəndə gəldiyi və əsgərlərin keçmiş Paraskevudi kazarmasında yerləşdiriləcəyi bildirilib. Bundan əlavə, bölgədə xidmət etmək üçün 4 hərbi helikopter də kazarmalara göndərilib.
Yunanıstan rəsmiləri bölmənin qeyri-qanuni mühacirlərin Bolqarıstan-Yunanıstan sərhədini keçməsinin qarşısını almaq və insan alverçilərinin fəaliyyətinin qarşısını almaq üçün göndərildiyini iddia edib. Komandoların 24 saat ərazidə patrul xidməti həyata keçirəcəyi iddia edilib. Yunan ordusu və Aİ-nin Sərhəd Mühafizə Birlikləri (Frontex) artıq bölgəyə yerləşdirilib.
Yunanıstan daha əvvəl sərhəd təhlükəsizliyi səbəbilə Türkiyənin Çirmen və Sofulu kəndlərində komando birlikləri yaratmışdı. Mustafçova Bələdiyyəsinin Gökçepınar kəndinin ortasında yenə yunan komando birlikləri ağır silahlarla manevr həyata keçirib. ABŞ əsgərlərinin Aleksandrupoliyə göndərilməsi davam edir. Ötən gün daha 375 ABŞ əsgəri keçiriləcək hərbi təlimdə iştirak etmək üçün Aleksandrupoliyə gətirilib.
