Britaniya Xarici İşlər Nazirliyi İranın müvəqqəti işlər vəkilini çağırıb.
İnterpress.az xəbər verir ki, bu barədə “Reuters” Britaniya Xarici İşlər Nazirliyinə istinadən məlumat yayıb.
Böyük Britaniya Xarici İşlər Nazirliyi İranın Londondakı səfirliyinin müvəqqəti işlər vəkilini İslam Respublikası tərəfindən Rusiya Federasiyasına ballistik raketlər ötürməsi ilə bağlı məlumatla əlaqədar çağırıb.
Qeyd olunur ki, “Britaniya hökuməti ballistik raketlərin Rusiyaya hər hansı təhvil verilməsinin təhlükəli eskalasiya kimi qiymətləndiriləcəyini və ciddi cavab veriləcəyini açıqlayıb”.
Xuraman Etibarlı
İnterpress.az
