“Ermənistan sakinlərində dərin ümumi ruh düşkünlüyü, laqeydlik müşahidə olunur”.
İnterpress.az “Novosti Armenia”ya istinadən xəbər verir ki, bunu Ermənistanın siyasi texnoloqu Vigen Akopyan bildirib.
“Bu, o deməkdir ki, insanlar reallıqdan qaçmağa cəhd göstərirlər. Söhbət həm də psixoloji problemdən gedir”, o qeyd edib.
Ekspertin sözlərinə görə, apatiya klinik depressiyanın əlamətlərindəndir:
“Başqa sözlə cəmiyyət dərin depressiyaya düşəndə müdafiə reaksiyası yaranır. Onlardan biri dəvəquşu mövqeyidir. Bu zaman insanlar reallıqdan qaçmağa çalışırlar”.
O deyib ki, belə şəraitdə insanlar neqativ informasiyalardan özlərini qoruyur, gündəlik işlərlə məşğul olmağa üstünlük verirlər.
Vigen Akopyan cəmiyyətin bu vəziyyətini ölkənin təhlükəsizlik məsələləri, Qarabağla əlaqələndirib.
