““Kazbeqi” gömrük-keçid məntəqəsi gündə 1000-ə qədər yük maşını keçirməyə hazırdır”.
İnterpress.az xəbər verir ki, bu haqda Gürcüstanın Gəlirlər Xidməti məlumat yayıb.
Bildirilib ki, məntəqə səhər avtomobillər üçün, axşama yaxın yük maşınları üçün açılıb.
Gürcüstan-Rusiya sərhədinə doğru bütün nəqliyyat növlərinin – həm minik, həm də yük avtomobillərinin hərəkəti hələ də müvəqqəti yolla həyata keçirilir.
Qeyd edək ki, güclü yağışlar Terek və Devdoraki çaylarının daşmasına səbəb olub, nəticədə Mtsxeta-Stepantsminda-Lars (neytral zona) beynəlxalq avtomobil yolunun 80 metrdən çox hissəsi zədələnib.
