Milli Məclisin sədri Sahibə Qafarovanın başçılıq etdiyi parlament nümayəndə heyəti Rusiyaya səfəri çərçivəsində aprelin 16-da Sankt-Peterburqda Qoroxovaya küçəsi, 6 ünvanında yerləşən binanın qarşısına gəliblər.
Parlamentdən bildirilib ki, nümayəndə heyətinin üzvləri burada ulu öndər Heydər Əliyevin binanın üzərinə vurulmuş barelyefini ziyarət ediblər.
Ulu öndər 1949-1950-ci illərdə bu binada yerləşən SSRİ Dövlət Təhlükəsizlik Nazirliyinin Ali Məktəbində təhsil alıb.
Parlament nümayəndə heyətinin üzvləri dahi rəhbərin xatirəsini yad edərək barelyef önünə qızıl güllər düzüblər.
İnterpress.az
