Bu barədə Trend-ə Quba rayon Prokurorluğundan məlumat verilib.
Məlumatda qeyd olunur ki, hadisə noyabrın 16-da rayonun Barlı kəndində baş verib. Kənd sakini Babayev Yusif Hacıbala oğlu həmkəndlisi Məmmədov Ramiz Əhməd oğlunu aralarında yaranmış mübahisəni həll etmək məqsədilə kəndin kənarındakı körpünün yaxınlığına dəvət edib. Hadisə yerində tərəflər arasında mübahisə daha da gərginləşib və Y.Babayev üzərində gətirdiyi bıçaqla R.Məmmədovu qətlə yetirib.
Keçirilən əməliyyat-axtarış tədbirləri nəticəsində hadisəni törədən Y.Babayev saxlanılıb. Faktla bağlı Quba rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.
İnterpress.az
