Norveçdə yerləşən İran İnsan Haqları Təşkilatı (IHR) son bir neçə gündə İranda narkotiklə əlaqəli cinayətlərdə mühakimə olunan 11 bəluçun edam edildiyini və onların Zahidan mərkəzi həbsxanasında asılaraq edam edildiyini açıqlayıb.
Bu barədə İnterpress.az xarici mediaya istinadən xəbər verir.
Edam edilən məhbusların hamısı narkotiklə əlaqəli cinayətlərə görə məhkum ediliblər.
IHR bildirib ki, 2023-cü ilin əvvəlindən İranda edam edilənlərin sayı 423 nəfərdir.
İranda terror, qətl, zorlama, silahlı soyğunçuluq və narkotik ticarəti kimi cinayətlər ölüm cəzası ilə cəzalandırılır.
İran hökuməti 2017-ci ilin aprelində qüvvəyə minən qanunun narkotiklə bağlı cinayətlərə görə cəzaların yüngülləşdirildiyini açıqlayıb.
Həmin vaxt Ədliyyə Başçısı Ayətullah Sadik Laricani hakimlərə narkotik cinayətlərinə görə edamını gözləyən məhbusların işlərinə baxmağı tapşırıb.
Birləşmiş Millətlər Təşkilatının (BMT) İnsan Hüquqları üzrə Ali Komissarı Volker Türk, may ayında verdiyi açıqlamada, ilin əvvəlindən may ayına qədər İranda əksəriyyəti narkotik cinayətlərinə görə məhkum edilmiş ən azı 209 nəfərin edam edildiyini bildirib.
