İran təkcə Ankara və Bakı ilə deyil, Moskva ilə də sərt mübahisəyə hazırdır.
İnterpress.az xəbər verir ki, bu barədə rusiyalı poloitoloq Sergey Markedonovun Forbes ru saytındakı məqaləsində deyilir.
Politoloq Rusiya sərhədçilərinin Ermənistanın cənubundakı keçid məntəqəsindən çıxarılması haqqında fikirlərini bildirib.
“Fakt budur ki, Tehran təbii ki, altruizmdən deyil, regionda öz maraqlarını həyata keçirərək, Azərbaycan-Türkiyə tandeminin güclənməsinə qarşı durmağa çalışır.
2022-ci ilin oktyabrında İranın baş konsulluğu Qafanda açılıb ki, bu da Ermənistanın cənub hissəsidir.
İran ardıcıl olaraq Zəngəzur dəhlizinin açılmasına qarşıdır. Bu, Azərbaycanın Naxçıvan bölgəsini bu ölkənin əsas ərazisi ilə birləşdirəcək. Və burada İran təkcə Ankara və Bakı ilə deyil, həm də Moskva ilə sərt mübahisəyə hazırdır.
Ona görə də İrəvanın Tehrana müsbət siqnal verməsi çox vacibdir.
Bununla belə, Moskva üçün postsovet məkanında Qərblə münaqişə və Yaxın Şərqdə yeni eskalasiya fonunda İran tərəfi ilə qarşılıqlı əlaqəni saxlamaq da vacibdir. Beləliklə, Ermənistanla İran sərhədində dəyişikliklər həm İrəvana, həm də Moskvaya yaxşı xidmət edə bilər”, – Markedonov yazıb.
Xuraman Etibarlı
İnterpress.az
