Dövlət Duması Rusiya baş nazirinin müavinləri vəzifəsinə təklif olunan namizədləri təsdiqləyib.
İnterpress.az bildirir ki, qeyd olunan məlumata görə, heyətdə əhəmiyyətli dəyişikliklər olmayıb.
Mixail Mişustin Rusiyanın baş naziri olaraq qalıb. Bir sıra dövlət qulluqçuları da tutduqları vəzifələrdə saxlanılıb.
Onların arasında aşağıdakı şəxslər var:
– Tatyana Qolikova (sosial blok və Etnik Məsələlər üzrə Federal Agentlik);
– Aleksandr Novak (enerji və iqtisadi blok);
– Aleksey Overçuk (beynəlxalq məsələlər);
– Dmitri Patruşev (ekologiya, aqrar-sənaye kompleksi və kənd təsərrüfatı);
– Vitali Savelyev (nəqliyyat və logistikanın inkişafı);
– Yuri Trutnev (Uzaq Şərq Federal Dairəsində səlahiyyətli nümayəndə);
– Marat Xüsnullin (tikinti, şəhərsalma və mənzil-kommunal təsərrüfatı).
Dmitri Çernışenko bir sıra departamentlərin işinə nəzarət edəcək. Onların arasında İdman Nazirliyi, Təhsil və Elm Nazirliyi, Təhsil Nazirliyi, “Rosmolodyoj” və İqtisadi İnkişaf Nazirliyi (turizm), media işi və nəşriyyat fəaliyyəti var.
Dmitri Qriqorenko baş nazirin müavini – Nazirlər Kabineti aparatının rəhbəri, Denis Manturov isə baş nazirin birinci müavini oldu.
