Kamçatkada yırtıcı balina ailəsini xilas etmək üçün genişmiqyaslı əməliyyat keçirilib.
İnterpress.az xəbər verir ki, bu barədə Rusiya mediası məlumat yayıb. Bildirilir ki, bu səhər üç yetkin balina quruya çıxıb, onlardan birinin yanında balaca balina da var idi.
Yırtıcı balinaların köməyinə 30-a yaxın adam gəlib. Onlar məməliləri sulayaraq çevirməyə çalışıblar.
Nəticədə balinaları uğurla xilas etmək mümkün olub. Dörd balina dənizə üzüb, tamamilə təhlükəsiz olduqlarından əmin olmaq üçün bir neçə qayıqla dənizin dərinliyinə aparılıblar.
Xilasetmə əməliyyatı 10 saat davam edib.
Xuraman Etibarlı
İnterpress.az
