81 yaşlı rusiyalı həm infarkt, həm də insult keçirsə də, sağ qalıb.
İnterpress.az xəbər verir ki, bu barədə Rusiya KİV məlumat yayıb.
Yekaterinburqun yaşlı sakini həyat yoldaşını klinikada onkoloqun qəbuluna gətirib. Hələ taksidə olarkən səhhəti pisləşib və xəstəxanada qoca özünü tamamilə pis hiss edib: Həkimin kabinetinə gedərkən yaşlı rus yıxılıb və bədəninin sağ tərəfində hissiyyatını itirib.
Kömək etməyə tələsən həkimlər insult aşkarlayıblar. Beyin qan dövranının pozulmasına səbəb olan laxtanın mayeləşdirilməsi prosedurunu həyata keçirərək insultun irəliləməsini dayandırıblar.
Amma xəstə nisbi normal vəziyyətə qayıdan kimi o, miokard infarktı keçirib. Həkimlər səyi nəticəsində adam 10 gün xəstəxanada qalmalı olsa da, sağ qalıb.
Xuraman Etibarlı
İnterpress.az
