HƏMAS Ankarada TUSAŞ binasında törədilən terror aktını pisləyib.
İnterpress.az xəbər verir ki, bu barədə HƏMAS-ın bəyanatında bildirilir.
“Bu ağrılı fəlakətdə qardaş Türkiyə Cümhuriyyəti, rəhbərliyi və xalqı ilə tam həmrəy olduğumuzu, həlak olanların və yaralananların ailələrinə dərin hüznlə başsağlığımızı və rəğbətimizi bildiririk”, – bəyanatda deyilir.
Xatırladaq ki, oktyabrın 23-də Ankarada TUSAŞ müdafiə müəssisəsinin binası yaxınlığında terror aktı törədilib, nəticədə 5 nəfər həlak olub, 22 nəfər yaralanıb.
Türkiyənin müdafiə naziri Gülər terror aktında PKK-nın əli olduğunu bildirib.
Xuraman Etibarlı
İnterpress.az
