İki alpinist Himalay dağlarında üç günlük axtarışlardan sonra xilas edilib.
İnterpress.az xəbər verir ki, bu barədə Hindistan mediası məlumat yayıb. Bildirilir ki, iki təcrübəli qadın alpinist Hindistanın Çauxamba dağına qalxarkən alətlərini və ləvazimatlarını itirib və üç gün dağda çarəsiz qalıblar.
İtkin düşmüş britaniyalı alpinist 37 yaşlı Fay Manners və 31 yaşlı amerikalı alpinist Mişel Dvorakın Hindistan Hərbi Hava Qüvvələri, Dövlət Fəlakətlərə Cavab Qüvvələri və Fəlakətlərə Nəzarət Dövlət Qüvvələrinin apardığı axtarış-xilasetmə səylərindən sonra xilas edildiyi bildirilir.
Xuraman Etibarlı
İnterpress.az
