İsrail ordusu HƏMAS-ın qəzzalılara işgəncə verdiyini əks etdirən video yayıb.
İnterpress.az xəbər verir ki, İsrail Müdafiə Qüvvələri HƏMAS terror hərəkatının yaraqlılarının Qəzza zolağında dinc əhaliyə qarşı vəhşi rəftarını təsdiqləyən videolar dərc edib.
İDF-nin məlumatına görə, bu müşahidə kameralarının qeydləri hərbçilər tərəfindən Qəzza zolağında quru əməliyyatı zamanı aşkar edilib.
Qəzzalılara HƏMAS terrorçularının işgəncə verdiyini əks etdirən videoda fələstinliləri zəncirləyib, çubuqlarla döyübər.
Onlar Qəzza zolağında 17 saylı zastavadakı HƏMAS təhlükəsizlik işçilərinin təşkilata qarşı çıxmaqda şübhəli bilinən mülki şəxsləri vəhşicəsinə dindirdiklərini göstərir.
Yayımlanan video 45 dəqiqədən çox davam edir. Bu görüntülərin 2018-2020-ci ilə aid olduğu güman edilir.
Onlar başlarına torbalar keçirilən, qollarından və ayaqlarından zəncirlə asılan, çubuqlarla döyülən və tək ayaq üstə durmağa məcbur edilən insanları göstərir.
Xuraman Etibarlı
İnterpress.az
