Minlərlə livanlı Suriyaya qaçır.
İnterpress.az xəbər verir ki, BMT-nin Qaçqınlar üzrə Ali Komissarının müavini Kelli Klements İsrailin Livana hücumlarından xilas olmaq üçün 128 mindən çox insanın Suriya sərhədini keçdiyini bildirib.
O qeyd edib ki, Livanda artan zorakılıq onsuz da ağır vəziyyətdə olan ölkə sakinlərinin vəziyyətini ağırlaşdırır.
Onun sözlərinə görə, əhalinin ehtiyacları hər gün artmaqda davam edir.
Xatırladaq ki, sentyabrın 23-dən İsrail Livanda Hizbullahın hərbi obyektləri adlandırdığı hədəflərə kütləvi hava zərbələri endirib.
İsrailin Livana iki həftəlik hücumları nəticəsində 1928-dən çox insan həlak olub, 9290 nəfər yaralanıb.
Xuraman Etibarlı
İnterpress.az
