Rusiya Əsəd rejiminin devrilməsi ilə İsrail və Türkiyə üzərində təsir rıçaqlarını itirəcək.
İnterpress.az xəbər verir ki, bu barədə “The New York Times” öz analitik məqaləsində yazır.
Əsəd rejiminin devrilməsindən və Suriyada iranlıları arxa plana keçirdikdən sonra İsrailin Rusiya Federasiyası ilə münasibətlərində daha çox manevr imkanı var.
Qeyd olunur ki, Rusiya bazalarının Suriyada olması İsraili İranın bu ölkədəki peyklərini vurması barədə Kremlə məlumat verməyə məcbur edib.
Nəşr vurğulayır ki, eyni səbəbdən İsrail Rusiya-Ukrayna müharibəsində neytral mövqe tutur və Kiyevə silah vermir.
Türkiyənin timsalında Ankara Suriya üsyançılarını himayə etməsi sayəsində Rusiyanın Suriyada gələcək təsiri ilə bağlı danışıqlarda əhəmiyyətli təsir rıçaqları əldə edəcək.
Məqalə müəllifinin fikrincə, Putin müttəfiqi Əsədin tərəfini tutmaqla və bunu ABŞ-yə nümayiş etdirməklə Yaxın Şərqdə hörmət qazanıb. İndi bu hörmət təhlükə altındadır.
Hazırda Rusiya Suriyanın yeni hakimiyyət orqanlarını artıq terrorçu adlandırmaqla Xmeymim və Tartusdakı bazalarını saxlamaq üçün silahlı müxalifətlə danışıqlar aparmağa çalışır.
Xuraman Etibarlı
İnterpress.az
