Sinuar üç gün ac qalıb, yeməyib, içməyib, döyüşüb.
İnterpress.az xəbər verir ki, bu barədə İsrail məhkəmə-tibb ekspertizasının rəyində bildirilir.
Fələstinin HƏMAS hərəkatının lideri Yəhya Sinuar İsrail qüvvələri ilə toqquşma zamanı öldürülməzdən əvvəl 72 saat yemək yeməyib.
İsrail Milli Məhkəmə Elmləri İnstitutunun direktoru Hen Kugel bildirib ki, Sinuarın şəxsiyyətini təsdiqləmək üçün barmağı kəsilərək DNT nümunəsi götürülüb.
Bu, Sinuarın 2011-ci ildə məhbus mübadiləsi çərçivəsində azad edildiyi İsrail həbsxanasında əvvəlki 22 illik həbsinin tibbi sənədlərinin mövcudluğu sayəsində mümkün olub.
“Ciddi beyin zədələnməsinə səbəb olan güllə yarası aldıqdan sonra Sinuar daha bir neçə saat yaşayıb” , – Kugel deyib.
Müxtəlif israilli jurnalistlər və nəşrlər Fələstinin HƏMAS hərəkatının liderinin ölümünü təsvir edərək, Fələstin liderinin sona qədər mübarizə aparması ilə razılaşıblar.
Xuraman Etibarlı
İnterpress.a
