Nijnevartovsk şəhər xəstəxanasında müalicə alan 10 yaşlı xərçəng xəstəsi pnevmatik tapança ilə özünü vurub.
Lent.az Rusiya KİV-ə istinadən xəbər verir ki, həkimlər azyaşlının vəziyyətinin ağır olduğunu bildirib.
Beyin xərçəngindən əziyyət çəkən azyaşlıda Daun sindromunun olduğu da vurğulanıb.
İstintaq araşdırmaları zamanı məlum olub ki, xəstənin 66 yaşlı babası ovla məşğuldur. Silah həvəskarı olan baba həmişə üzərində pnevmatik silah gəzdirirmiş. Nəvəsi ilə görüşə gələndə silahı çantasına qoyub. Diqqətdən yayınan uşaq babasının silahını götürərək özündə saxlayıb. Silahla oynayarkən əlində açılıb.
Yoxlama zamanı palatadan daha 4 ədəd patron tapılıb.
