ABŞ-ın sabiq prezidenti Ronald Reyqanın Los-Anceles şəhərinin Littl-Holmbi rayonundakı evi 6,46 milyon dollara satılıb. Alıcının adı açıqlanmır.
Neokolonial üslubda olan ikimərtəbəli iqamətgah 1938-ci ildə tikilib. Reyqan həmin evi ötən əsrin 40-cı illərində alıb və burada birinci həyat yoldaşı aktrisa Ceyn Uaymanla birgə yaşayıb. 1949-cu ildə onlar boşandıqdan sonra ev Uaymana qalıb və o, növbəti evliliyi dövründə də bu evdə yaşamağa davam edib.
İqamətgah bu ilin iyun ayında 7 milyon dollara satışa çıxarılmışdı.
Qeyd edək ki, amerikalı siyasətçi və dövlət xadimi Ronald Reyqan ABŞ-ın 40-cı prezidenti olub. Prezidentliyinin ilk illərində \”soyuq müharibə” böhranını kəskinləşdirsə də, SSRİ-də hakimiyyətə Mixail Qorbaçov gəldikdən sonra beynəlxalq gərginliyin azaldılması kursuna qayıdıb. (Azərtac)
İnterpress.az
