İnterpress.az “Milliyet”ə istinadən xəbər verir ki, Mosulun cənub-şərqindəki bölgədə BMT tərəfindən qurulan müvəqqəti düşərgəyə hər gün İraq ordusu və Peşmerge gücləri tərəfindən evlərini tərk edən kənd sakinləri təhvil verilir. DAEŞ-dən qaçmağı bacaran bəzi ailələr təhlükəsiz bölgəyə keçmələri ilə yanaşı hələ də bir çox insan çarəsiz halda yardım gözləyir.
Təşkilatın 2014-cü ildə etdiyi hücumlardan sonra bir-birindən ayrıla ailə üzvlərinin bir qismi İraq Kürd regional hökümətinin düşərgələrinə sığınıblar. Hal-hazırda isə Mosulun 40 km yaxınlığında yerləşən BMT düşərgələrində həmin ailələr təkrar qovuşurlar.
DAEŞ tərəfindən əsirlikdə saxlanılan insanlar yaşadıqları vəziyyətin dəhşətindən çıxa bilməyiblər. Onlar son dövrlərdə quru çörək tapmaqda belə əziyyət çəkdiklərini, öz ailələri ilə əlaqə saxlamağa cəhd edənlərin isə cəzalandırıldığını söyləyib.
İnterpress.az
