İnterpress.az xəbər verir ki, kinci oyun günündə ortababların duelləri baş tutacaq.
İlk olaraq 4-cü yer uğrunda mübarizə aparan “Kəpəz”lə “Zirə” münasibətlərinə aydınlıq gətirəcəklər. İlk dövrədə rəqibinə uduzan bakılılar məğlubiyyətin əvəzini çıxmağa, qərblilər isə mövqeyini qorumağa çalışacaq. Son turlarda uduzmayan rəqiblərin dueli hər iki komanda üçün önəm kəsb edir.
Lakin bu matçın nəticəsi “Sumqayıt” üçün də az maraq doğurmur. Çünki bu oyundakı heç-heçə “Gənclik şəhəri” təmsilçisinin onlara şərik olmasına imkan yarada bilər. Bunun üçün “İnter”lə görüşən Samir Abasovun yetirmələri 3 matçlıq qələbə həsrətinə son qoymalıdı. Paytaxt təmsilçisi liderlərdən uzaq düşməmək üçün 3 heç-heçədən ibarət seriyasını qırmalıdı. 10 matçdı yenilməyən “bankirlər” 4-cü yerlə xal fərqinin azalmaması üçün də turu itkisiz keçməlidi.
İnterpress.az
