Şəkildəki xəbərdarlıq nişanı yolda suda-quruda yaşayanların kütləvi ola biləcəyi barədə xəbərdarlıq edir. Bu nişan İsveçrədə, Belarusda və bəzi başqa ölkələrdə var. Əsasən müvəqqəti – həmin canlıların kütləvi miqrasiya vaxtı tətbiq edilir.
İnterpress.az xəbər verir ki, bu barədə nəqliyyat üzrə ekspert və hüquqşünas Ərşad Hüseynov məlumat verib.
“Onun tətbiqindən əsas məqsəd qurbağaları xilas etmək (belə məqsəd də var) yox, sürücüləri mümkün qəzalardan qorumaqdır, çünki çoxlu sayda qurbağanın üstünə çıxan avtomobil, banan və ya qarpız qabıqlarının üstünə çıxan adam kimi ola bilər” .
Bəs Azərbaycanda belə yol nişanı var? sualına cavab olaraq ekspert bizdə bu yol nişanına ehtiyac olmadığını bildirib:
“Ona görə bizdə bu yol nişanına ehtiyac qalmır ki, Azərbaycanda bu problem yaşanan ərazi yoxdur”.
Gülşanə Mustafayeva
İnterpress.az
