1977-ci ildə çəkilmiş Ulduz Döyüşləri filmində istifadə edilən kosmik gəmi modelinin onilliklər ərzində itdiyi düşünülürdü, lakin Oskar mükafatına namizəd olan model istehsalçısı Greg Jein kolleksiyasında tapılıb.
Bu barədə İnterpress.az xarici mediaya istinadən xəbər verir.
Orijinal Ulduz Döyüşləri filmində kritik döyüşdə istifadə edilən X-Wing Fighter-in uzun müddətdir itirilmiş modeli 400.000 dollardan başlayan təkliflərlə hərraca çıxarılıb. 50 santimetrlik model 1941-ci il və Üçüncü növ yaxın görüşlər filmlərinə görə Oskar mükafatına namizəd olan model ustası Qreq Ceynin kolleksiyasında aşkar edilib. Cein ötən ilin mayında 76 yaşında vəfat edib. Corc Lukasın vizual effektlər şirkəti Industrial Light & Magic tərəfindən inşa edilən model 1977-ci ildə çəkilmiş “Ulduz müharibələri: Yeni Ümid” filminin son döyüşündə, o cümlədən məşhur xəndək qaçışında istifadə edilmişdir. Model, yaxından çəkilişlərdə istifadə üçün xüsusi olaraq təfərrüatları ilə tanınan dörd “qəhrəman modelindən” biridir.
