İsraillilərin 40%-i Qəzzada döyüşlərin genişlənməsinə qarşıdır.
İnterpress.az xəbər verir ki, bununla bağlı Kanal 13 sorğu keçirib.
İsrailin Qəzza zolağında hərbi əməliyyatları genişləndirmək qərarı fonunda İsrail televiziyasının 13-cü kanalının sorğusuna əsasən, israillilərin 40%-i “Gideon arabaları” əməliyyatına qarşı çıxıb.
Respondentlərin 44%-i hərbi əməliyyatların genişləndirilməsini dəstəkləyir, 16%-i isə hələ qərar verməyib.
Hərbi əməliyyatı genişləndirmək qərarına əlavə olaraq, respondentlərdən bütün israilli girovların azad edilməsi müqabilində müharibəni bitirmək üçün mümkün razılaşmaya münasibəti soruşulub.
Üçdə ikisi – 67 faiz belə bir razılaşmanın tərəfdarı olduğunu bildirib. Əleyhinə – 22%, daha 11% cavab verməkdə çətinlik çəkib.
Respondentlər İsrailin baş nazirinin motivasiyasını qiymətləndirməkdə də bölünüb: 51% Netanyahunun ilk növbədə siyasi maraqları rəhbər tutduğuna inanır, 36% isə əmindir ki, onun hərəkətləri peşəkar mülahizələrlə diktə olunur.
Növbədənkənar seçkilərin keçirilməsinin zəruriliyi ilə bağlı suala sorğuda iştirak edənlərin yarısı – 50%-i müsbət cavab verib, 41%-i belə bir addımın əleyhinə çıxıb.
Xuraman Etibarlı
İnterpress.az
