General-mayor Qriqori Xaçaturov axtarışa verilib.
İnterpress.az xəbər verir ki, bu barədə “Shamshyan.com” nəşri məlumat yayıb. KTMT-nin sabiq baş katibinin oğlu rüşvət və vəzifə səlahiyyətlərindən sui-istifadə etməkdə ittiham olunur.
Məlumata əsasən, istefada olan general-mayor Qriqori Xaçaturov barəsində axtarış elan edilib.
Qeyd olunur ki, o, Kollektiv Təhlükəsizlik Müqaviləsi Təşkilatının (KTMT) keçmiş baş katibi Yuri Xaçaturovun oğludur.
Xaçaturov Cinayət Məcəlləsinin 436-cı (Qabaqcadan əlbir olan bir qrup şəxs tərəfindən rüşvət vermə) və 549-cu (Hakimiyyət səlahiyyətlərini aşma və ya vəzifə səlahiyyətlərindən sui-istifadə etmə, ehtiyatsızlıqdan insan sağlamlığına ağır zərər vurmağa səbəb olduqda) maddələri ilə axtarışa verilib.
Xatırladaq ki, general barəsində artıq “vəzifə mövqeyindən istifadə edərək cinayət yolu ilə əldə edilmiş xüsusilə külli miqdarda daşınmaz əmlakın leqallaşdırılması” ilə bağlı cinayət işi mövcuddur.
Xuraman Etibarlı
İnterpress.az
