İnterpress.az xəbər verir ki, görüşdə DAK həmsədri, xalq şairi Sabir Rüstəmxanlı Rəsulzadənin keçdiyi ömür yolu haqqında danışaraq, Azərbaycana etdiyi müstəsna xidmətləri xalqımızın unutmayacağını qeyd edib. Rəsulzadənin yadigarı olan Rəis bəyi təbrik edərək, onun bu ölkədə babasının xidmətlərinə görə daim qürurla addımlamağa haqqı olduğunu bildirib. Daha sonra DAK Azərbaycan nümayəndəliyinin rəhbəri İsmayıl Ağayev, DAK idarə heyətinin üzvləri, Xəzər Emin, Adil Minbaşı, Zəlimxan Məmmədli, tarixçi, türkoloq alimlər Dilavər Əzimli, Yadigar Türkel və b. çıxış edərək Rəis Rəsulzadəni yubiley münasibətilə təbrik ediblər.
İnterpress.az
