İnterpress.az xəbər verir ki, hadisə Şərifzadə küçəsində, “Günəş Petrol” yanacaqdoldurma məntəqəsinin yaxınlığında qeydə alınıb. 1989-cu il təvəllüdlü Abbasov Yaşar Aydın oğlu gecə saatlarında işdən evə qayıdırmış. Bu zaman o, naməlum şəxsin hücumuna məruz qalıb. Naməlum şəxs Y.Abbasova bir neçə bıçaq zərbəsi vuraraq ərazidən uzaqlaşıb. İnsidentin səbəbi hələlik məlum deyil.
Yaralı 1 saylı Şəhər Kliniki Xəstəxanasına çatdırılıb. Onun vəziyyəti orta-ağır qiymətləndirilir.
Faktla bağlı Yasamal Rayon Polis İdarəsində (RPİ) cinayət işi başlanılıb, araşdırma aparılır. (musavat)
İnterpress.az
