İnterpress.az xəbər verir ki, seçki kampaniyası boyunca sərt şərhlərlə çıxış edən Trampın ilk dəfə bu qədər mülayim və əhatəli danışığı diqqət çəkib.
Səhnəyə əvvəl Trampın köməkçisi Mike Pence çıxıb. Pence daha sonra Trampı anons edib.
Trampın dəstəkçiləri, yeni lideri böyük coşğu içində qarşılayıb.
“Hər kəsə çox təşəkkür edirəm. Hörmətli Klinton mənə telefon zəngi etdi. Bizi və hamımızı təbrik etdi. Mən də özünü və ailəsini təbrik etdim. Çox möhkəm bir mübarizə oldu. Özü də çətin bir mübarizə apardı\”.
Tramp çıxışına bu sözlərlə davam edib:
“Hillari uzun müddətdir ki bizim ölkə üçün çalışırdı, biz ona buna görə təşəkkür etməliyik. Qarşıda görüləcək çox işlər var. Biz birləşməliyik- demokratlar və respublikaçılar birgə fəaliyyət göstərməlidir. Bu mənim üçün çox vacibdir. Məni seçənlərə üz tuturam- bizim ölkənin birləşməsi üçün sizin köməyinizə ehtiyacım var. Mən hər zaman demişəm, bu tək kompaniya deyildi, bu bizim ölkənin parlaq gələcəyi üçün birgə hərəkat idi. Birlikdə çalışaraq biz gücümüzü daha da genişləndirəcəyik. Mən həyatımı bir sıra gizli potensial qüvvələr axtararaq yaşamışam. Hər bir amerikana öz potensialını reallaşdırmaq imkanı yaradılacaq. İnfrastrukturumuz yenilənəcək, biz milyonlarla yeni iş yerləri açacayıq.
Biz veteranlarımız qayğısına qalacayıq. Bizim iqtisadi artımı inkişaf etdirmək üçün böyük planlarımız var. Biz digər ölkələrlə birləşərək tərəfdaşlıq edəcəyik. Amerika bu gündən sonra yaxşı nə varsa onu qazanacaq. Beynəlxalq ictimaiyyətə demək istədiyim budur, biz hər hansı bir ölkə ilə tərəfdaşlıq edə bilərik, bu mənim üçün çox vacibdir.
Mükəmməl bir ailəm var, buna görə çox şanslıyam. Çox çətin, çox çətin bir mübarizəyə sinə gərdiyiniz üçün təşəkkür edirəm. Çox böyük bir dəstəyik, bu dəstədə inanılmaz istedadlı insanlar var. Mənim üçün çox xüsusi bir keçid dövrü oldu. Kəşfiyyat servisimiz əla çalışdı. İnanılmaz insanlar, hamınıza çox təşəkkür edirəm. Nyu York polisinə də çox təşəkkür edirəm. Bu gün onlar da buradadır. Başqaları onları belə tərifləməz, amma mən onlara həddindən artıq minnətdaram. Kampaniya bitmiş ola bilər, amma bu ölkə üçün işlərimiz yeni başlayır.”
Səidə Mustafayeva
İnterpress.az
