İnterpress.az DGK-in mətbuat xidmətindən verilən məlumata əsasən xəbər verir ki, Bakı-Tbilisi aviareysi ilə getmək üçün Heydər Əliyev Beynəlxalq Hava Limanının gömrük nəzarəti zonasına daxil olan Azərbaycan vətəndaşının hərəkətləri şübhə doğurduğuna görə, o, saxlanılıb və üzərində şəxsi yoxlama aparılıb.
Yoxlama zamanı vətəndaşın şalvarının və pencəyinin ciblərində, əvvəlcədən gömrük orqanına şifahi, elektron və ya yazılı formada bəyan edilməyən 200 ədəd – hər biri 100 ABŞ dolları nominalında pul əskinasları olmaqla, cəmi 20 min dollar aşkar edilib.
Faktla bağlı araşdırma aparılır.
İnterpress.az
