İnterpress.az xəbər verir ki, Pakistanın “Express Tribune” qəzeti terror aktının yeni təfərrüatlarını açıqlayıb. Qəzetin yazdığına görə, məbəddə partlayışı 14 yaşlı terrorçu-kamikadze törədib. Hadisə müsəlman-sufi zəvvarların dini mərasimi zamanı baş verib. Ölənlər arasında qadın və uşaqların da olduğu bildirilir.
Məbəd çətin keçilən ərazidə yerləşdiyindən və yaxınlıqda xəstəxana olmadığından yaralılar hadisə yerindən 250 kilometr uzaqda yerləşən Kəraçi şəhərinə daşınır. Ölənlərin sayının artacağı istisna olunmur.
Yerli hakimiyyət orqanlarının məlumatına əsasən, terror aktının məsuliyyətini İŞİD qruplaşması üzərinə götürüb. (azərtac)
İnterpress.az
