ABŞ Ədliyyə Nazirliyinin sızdırılan sənədlərində Bayden haqqında təsdiqlənməmiş iddialar yer alıb
İnterpress.az xəbər verir ki, bu barədə sızdırılan məxfi sənədlər məlumat yayıb.
ABŞ Ədliyyə Nazirliyi tərəfindən istintaq çərçivəsində toplanan və sonradan internetə sızan materiallarda keçmiş prezident Co Bayden haqqında müxtəlif sui-qəsd nəzəriyyələri və subyektiv ehtimallar aşkar edilib.
Sənədlərdə yer alan qeydlərdən birində iddia olunur ki, əsl Co Bayden hələ 2019-cu ildə güllələnib, hazırda onun rolunu başqa bir şəxs ifa edir və guya istifadə olunan “maska” hər gün daha çox “nasazlıq” göstərir.
Lakin qeyd etmək vacibdir ki, Ədliyyə Nazirliyinin bu faylları istintaq prosesində əldə edilmiş bütün növ məlumatları — o cümlədən yoxlanılmamış bəyanatları, kənar şəxslərin subyektiv versiyalarını və heç bir maddi sübutu olmayan fərziyyələri özündə birləşdirir.
Bu iddiaların kim tərəfindən və hansı məqsədlə yazıldığı bəlli deyil. Bu cür məlumatlar rəsmi fakt deyil, müxtəlif araşdırmalar zamanı qeydə alınmış yoxlanılmamış iddialar toplusudur.
Genişmiqyaslı istintaq sənədləri adətən çox böyük həcmdə xam məlumatlardan ibarət olur və onların tərkibindəki hər bir qeyd mütləq həqiqəti əks etdirmir.
Bu cür hallarda rəsmi təsdiqini tapmamış məlumatlara qarşı tənqidi yanaşmaq və informasiya savadlılığını qorumaq mühüm əhəmiyyət kəsb edir.
Xuraman Etibarlı
İnterpress.az
