Yanvar ayına baxmayaraq yaz havası yaşanan Antalyada istirahətçilər 20 dərəcə isti dənizdə üzüblər.
Bu barədə interpress.az xarici mediaya istinadən xəbər verir.
Ölkənin bir çox yerində qarlı və soyuq havalar təsirli olarkən, turizm şəhəri Antalyada yaz havası yaşanır.
Meteorologiya Baş İdarəsinin məlumatına görə, şəhərdə havanın temperaturu 18 dərəcə, dəniz suyunun temperaturu isə 20 dərəcə olaraq ölçülüb.
Dənizin havadan isti olduğu şəhərdə yaz havasından istifadə edənlər Konyaaltı çimərliyinə gedərək üzüblər.
