Yanvarın 21-də Avropa Parlamentində Gürcüstanla bağlı debat keçiriləcək.
İnterpress.az xəbər verir ki, bu barədə Avropa Parlamentinin mətbuat xidməti məlumat yayıb.
Məlumata əsasən Avropa Parlamentində planlaşdırılan debatın mövzusu Gürcüstan və Belarusda “siyasi iğtişaşlar və davam edən repressiya”dır.
Əlavə olaraq, Avropa Şurası Parlament Assambleyasının qış sessiyasına da Gürcüstanda keçirilən parlament seçkilərinin qiymətləndirilməsinə dair hesabat təqdim olunacaq. Avropa Şurası Parlament Assambleyasının qış sessiyası yanvarın 27-dən 31-dək Strasburqda keçiriləcək. Sessiyanın ilk günündə Gürcüstanda oktyabrın 26-da keçirilmiş parlament seçkilərinin qiymətləndirilməsinə dair hesabat təqdim olunacaq.
Hesabatın təşəbbüskarı AŞPA nümayəndə heyətinin rəhbəri Yulian Bulaydır./apa
