Belçika Baş naziri Aİ-nin Rusiya aktivləri ilə bağlı planını bloklayıb.
İnterpress.az xəbər verir ki, bu barədə “Politico” nəşri məlumat yayıb. Bart de Vever 140 milyard avronun Ukraynaya ötürülməsini riskli hesab edir və alternativ yol təklif edir.
Məlumata əsasən, Belçikanın Baş naziri Bart de Vever dondurulmuş Rusiya vəsaitlərinin Ukraynaya göndərilməsi ideyasına kəskin şəkildə qarşı çıxıb. O, Rusiyaya məxsus 140 milyard avronun Kiyevə verilməsi planını bloklayıb.
Baş nazirin əsas narahatlığı ondan ibarətdir ki, əgər Moskva məhkəməyə müraciət edərsə, Belçika həmin pulları geri qaytarmaq məcburiyyətində qala bilər.
Nəşrin yazdığına görə, de Vever belə bir sxemin gələcək sülh danışıqlarını poza biləcəyini bəyan edib. O, Rusiya rezervlərindən istifadə etmək əvəzinə alternativ təklif irəli sürüb: Avropa İttifaqının 45 milyard avro məbləğində ümumi borc buraxması.
Xuraman Etibarlı
İnterpress.az
