“ABŞ Prezidenti Bayden Romada görüşdüyü türk həmkarı Ərdoğana Türkiyə ilə münasibətləri yaxşılaşdıracağı sözünü verib”.
bunu türk siyasi ekspert Məhmət Acət deyib.
“Görüşün ikitərəfli münasibətlərdəki problemlərin müzakirə olunduğu hissəsində Co Bayden hakimiyyət müddəti ərzində Türkiyə ilə əlaqələri yenidən yoluna qoyacağına söz verdikdən sonra çox maraqlı bir cümlə işlətdi: Son 7 ildə prezident kürsüsündə otursaydım, bu problemlərin heç biri olmazdı”, – ekspert bildirib.
Acət qeyd edib ki, Bayden son 7 ildə təkcə Donald Tramp dövrünü yox, həm də özünün vaxtilə müavini olduğu Barak Obamanın ikinci hakimiyyət dönəmini də xatırladıb:
“ABŞ-ın hazırkı prezidentinin təkcə Trampı deyil, həm də münasibətlərin pisləşməsinə səbəb olanlardan biri kimi Obamanı nəzərdə tutması olduqca maraqlıdır.
Beləliklə, Bayden 15 iyul çevriliş cəhdi də daxil olmaqla, Türkiyə-Amerika münasibətlərini ciddi şəkildə zəhərləyən bir çox anti-demokratik təşəbbüslərdə günahkar olmadığına Ərdoğanı inandırmaq istədi.
2019-cu ilin sonunda “New York Times” qəzetinin redaktorları ilə söhbət edərkən, müxalifətlə əməkdaşlıq edərək Ərdoğanı devirəcəyinə söz verən birinin bunu dediyini düşünmək “nə qədər inandırıcıdır” sualını doğurur. Amma yanaşma həmsöhbətinin etimadını qazanmaq baxımından yaxşı taktikadır”. (teleqraf.com)
