Batumidə 5-ci mərtəbədə lift qırılıb.
İnterpress.az xəbər verir ki, bu barədə Gürcüstan mediası məlumat yayıb. Bildirilir ki, Batumidə liftin qırılaraq beşinci mərtəbədən düşməsi nəticəsində 4 nəfər xəsarət alıb.
Hadisə Qorqaslı küçəsində baş verib. Zərərçəkənlər Batumi respublika klinikasına yerləşdirilib. Onların yüngül xəsarətləri var.
Hazırda hadisə yerində məhkəmə-tibb ekspertləri işləyir. 11 mərtəbədən ibarət olan binada 100-ə yaxın ailə yaşayır.
Xuraman Etibarlı
İnterpress.az
