Prezident Ərdoğan Türkiyədə qadınların vəhşicəsinə öldürülməsinin səbəbini açıqlayıb.
İnterpress.az xəbər verir ki, bu barədə Türkiyə prezidenti Rəcəb Tayyib Ərdoğan Böyük Millət Məclisində canlı yayımlanan çıxışında bildirib.
O, Türkiyədə qadınların vəhşicəsinə öldürülməsinin səbəbini açıqlayıb.
“Qadınlara qarşı zorakılığın əsas səbəbi alkoqolizmdir!”, – Ərdoğan deyib.
Lakin dünya kriminologiyası belə düşünmür. Ekspertlər düşünür ki, bu, Ərdoğanın subyektiv fikridir.
Alkoqolik, bir qayda olaraq, artıq heç nəyə qadir deyil. Onun libidosu sıfıra düşür və o, yalnız içki almaq üçün ən yaxın mağazaya gedə biləcək qədər iradəyə malikdir. Alkoqoliklər və sərxoşlar cinayət törədirlərsə, adətən bunu onlar kimi başqaları ilə içki içərkən edirlər. Burada isə vəziyyət tam başqadır.
Psixopat və ya manyak qurbanını izləmək və təqib etmək üçün saatlar və ya aylar sərf edir, həmişə ayıq olur.
Xuraman Etibarlı
İnterpress.az
