Ermənistana buğda və enerji resursları Türkiyə və Azərbaycandan tədarük edilə bilər.
İnterpress.az xəbər verir ki, bu barədə Türkiyənin keçmiş deputatı Qaro Paylan Faktor TV-yə müsahibəsində bəyan edib. O bildirib ki, bu ölkələrlə münasibətlərin normallaşacağı təqdirdə Ermənistana buğda və enerji resurslarının Türkiyə və Azərbaycandan tədarük edilməsi mümkündür.
Ermənistanın buğdasının 95%-nin, qazının isə 75%-nin Rusiyadan gəldiyini qeyd edən Paylan “belə asılılığın pis olduğunu” deyib və vəziyyəti dəyişdirməyin vacibliyini vurğulayıb.
Onun sözlərinə görə, sülh müqaviləsi imzalansa, Ermənistan qazın 40%-ni Azərbaycandan, 30%-ni İrandan, 40%-ni isə Rusiyadan ala biləcək. Paylan bəyan edib ki, Türkiyə və ya digər ölkələr Ermənistana buğdanın 40%-ni təmin edə biləcək.
Xuraman Etibarlı
İnterpress.az
