Ermənistan parlamentində qanun layihəsinin qəbulundan iki gün keçir və Aİ-dən heç bir reaksiya yoxdur.
İnterpress.az xəbər verir ki, bu barədə “Joqovurd” qəzeti yazır.
Hakimiyyətdə olan “Mülki müqavilə” fraksiyası parlamentin tribunasından müvafiq qanun layihəsinin qəbulundan sonra Ermənistanın Avropa İttifaqına üzv olacağına dair ucadan vədlər versə də, bu struktur reallıqda Ermənistana məhəl qoymur.
“Dövlət Dumasının üzvləri vizasız Avropa qapılarının onlar üçün necə açılacağı barədə ictimaiyyətə nağıl danışsalar da, reallıq budur ki, bu, sadəcə olaraq, prosesin başlanması üçün razılaşmadır, başqa bir şey deyil.
Və Ermənistanın Aİ-yə üzvlüyü hələ də qeyri-real olmasa da, qeyri-müəyyəndir”, – nəşr qeyd edir.
Qəzet yazıb ki, Aİ-yə üzvlük haqqında qanun layihəsinin qəbulundan 2 gün keçməsinə baxmayaraq, Aİ-də heç kim bu barədə danışmır.
“Layihənin qəbulundan 48 saat sonra heç bir Aİ strukturu, nə Avropa Komissiyası, nə də Avropa Parlamenti Ermənistan Respublikasının Aİ-yə daxil olmaq niyyətləri ilə bağlı layihəni müsbət qarşılamadı, təbrik etmədi və cavab vermədi.
Belə çıxır ki, bu, Paşinyanın seçkilər ərəfəsində cəmiyyətimizin avropapərəst hissəsi üçün növbəti blefləridir. Ya sadəcə olaraq, bu “böyük ailənin” üzvləri tərəfindən birmənalı qarşılanmayan növbəti populist addımıdır”, – nəşr bildirib.
Xuraman Etibarlı
İnterpress.az
