Ermənistanda iki hərbçi minaya düşdüb, əzaları amputasiya edilib.
İnterpress.az xəbər verir ki, bu barədə erməni mediası məlumat yayıb. Müdafiə Nazirliyi hadisəni təsdiqləsə də, bunun xidməti vəzifə ilə bağlı olmadığını iddia edir.
Ermənistan Müdafiə Nazirliyi Geqarkunik vilayətinin Vardenis (Basarkeçər) şəhərində iki hərbi qulluqçunun yaralanması faktını təsdiqləyib. Nazirlikdən bildirilib ki, yaralıların həyatı üçün təhlükə yoxdur.
Daha əvvəl yayılan məlumatlara görə, hərbçilər mina partlayışı nəticəsində ciddi xəsarətlər alıblar. Onlardan birinin qolu və ayağı zədələnib, əl barmaqları amputasiya edilib. Digər hərbçinin isə ayaq pəncəsinin bir hissəsi kəsilib.
Müdafiə Nazirliyinin mətbuat katibi Aram Torosyan hadisənin təfərrüatlarını açıqlamaqdan imtina edib. O, hərbçilərin xidməti vəzifələrini icra etmədikləri zaman və xidmətdən kənar şəraitdə yaralandıqlarını vurğulayıb.
Xuraman Etibarlı
İnterpress.az
