Ermənistanda gecə saatlarında 38 nəfər həbs olunub.
interpress.az xəbər verir ki, bu barədə erməni mediası məlumat yayıb. Bildirilir ki, gecə saatlarında İrəvanda polis əməkdaşları maskalı xüsusi təyinatlıların iştirakı ilə avtomobillərdə axtarış aparıblar.
Ermənistan Daxili İşlər Nazirliyindən bildirilib ki, intensiv əməliyyat tədbirləri həyata keçirilib, əməliyyat zamanı 1 tüfəng, 2 qaz tapançası və 10 lüləli silah aşkar edilib. Kristal və marixuana da daxil olmaqla 16 narkotik maddənin aşkarlanması faktı olub.
Xidmət zamanı hüquq-mühafizə orqanlarının əməkdaşları axtarışda olan iki nəfəri aşkar ediblər.
Tədbir zamanı müxtəlif şübhələrlə 38 nəfər tutularaq aidiyyatı orqanlara təhvil verilib. Gücləndirilmiş xidmətdə polis rəisi və onun müavinləri də iştirak ediblər.
Xuraman Etibarlı
İnterpress.az
