Hava limanında boyunlarında bir kiloqram qızıl olan iki qadın saxlanılıb.
İnterpress.az xəbər verir ki, bu barədə Rusiya mediası məlumat yayıb.
Bildirilir ki, Qroznıda boyunlarında bir kiloqram qızıl olan iki qadın sərnişin saxlanılıb. Onlar Türkiyəyə aparmaq üçün qiymətli metalı əridiblər.
Çeçenistan gömrük postunun əməkdaşları Qroznı hava limanında iki qadın sərnişini görüblər. Onların boyunları çox yoğun idi, lakin buna baxmayaraq, başları aşağı əyilmişdi.
Sərnişinlərin axtarışı əl metal detektoru vasitəsilə aparılıb. Cihaz sinə nahiyəsində dəqiq siqnal verib.
Məlum olub ki, hər qadının paltarının altından bir kiloqramlıq qızıl zəncir asılıb.
Qadınlar izah etməyə çalışıblar ki, bunlar sadəcə onların şəxsi zinət əşyalarıdır. Lakin gömrükçülərin dediyinə görə, zəncirlər zinət əşyaları deyildi.
Bu, 999 karatlıq əridilmiş qızılı idi. Faktla bağlı “strateji əhəmiyyətli malların qaçaqmalçılığı” maddəsi ilə cinayət işi açılıb.
Xuraman Etibarlı
İnterpress.az
